AŞPA Azərbaycanda siyasi məhbuslara dair qətnaməni qəbul etmədi

Azərbaycan nümayəndə heyətinin üzvü Əli Hüseynov Strasseri Azərbaycana qarşı obyektivliyə, müzakirə iştirakçılarını onun təklif etdiyi hesabatın əleyhinə səs verməyə çağırdı.

Müzakirələrin gedişini şərh edən Azərbaycan nümayəndə heyətinin rəhbəri, millət vəkili Səməd Seyidov AzadliqRadiosuna dedi:

Azərbaycan haqqında həqiqətlər Avropa Şurasında və digər beynəlxalq təşkilatlarda özünə yer tutmaqdadır. Həddindən artıq qərəzli çıxışlar da oldu. Bu qərəzli çıxışlar içərisində hansısa kiçik faktı götürüb böyütmək, ümumiyyətlə olmayan məsələni qabartmaq və bu kimi işləri görürük. Ümumiyyətlə götürəndə, müzakirələrin nəticələri haqda danışmaq hələ tezdir. Amma bir məsələni qeyd etmək istəyirəm ki, Azərbaycanın inkişafı, Azərbaycanın Avropadakı rolu və ümumiyyətlə dünyada artan nüfuzu artıq Avropada, Avropa Çurası və digər beynəlxalq qurumlarda Azərbaycanı daha diqqətlə öyrənməyə ehtaiyac yaradır. Onların arasında məsələyə obyektiv yanaşanları da var, özünüz gördüyünüz kimi elə cəfəngiyyat iddialar irəli sürənlər də var ki, bu haqda ciddi danışmaq olmur