Rusiya Ukrayna gərginliyi (13-14 mart xronikası)

AEROFLOT UKRAYNA REYSLƏRİNİ LƏĞV EDİR

Təhlükəsizlik səbəbindən şirkət ümüumiyyətlə Ukraynanın hava məkanından imtina edir. Buna görə, şirkətin təyyarələrinin hər biri mənzil başına orta hesabla 30 dəqiqə gec catacaq.

QARA DƏNİZİN KİRLƏNMƏSİ İLƏ BAĞLI RUSİYAYA NOTA VERİLDİ

Krımda yerləşən Ukrayna donanmasının gəmilərinin açıq sulara çıxışı kəsmək üçün Rusiya hərbçiləri liman və körfəzlərdə yararsız gəmiləri batırırlar. İndiyədək 4 belə gəminin batırılması haqda xəbər verilib. Ukraya xarici işlər nazirliyi Rusiyaya etiraz notası göndərərək bu hərəkətlərin Qara dəniz hövzəsində ekologiyaya zərbə vurduğunu bildirir. Notada deyilir ki, Donuzlav boğazının girişində batırılan "Ochakov" gəmisindən dənizə ağ rəngli maye axır.

RUSİYA ZİYALILARI "MÜHARİBƏYƏ YOX DEYİR"

Putinin Ukrayna siyasəti Rusiyada çoxlarının ürəyindəndir. Sovetlər vaxtından itirilən "böyük dövlət" hissi geri qayıdır. Bu hissin əsası var, ya yox - fərq etmir. Bolşeviklərin hərbi mahnısındakı kimi çoxu elə bilir ki, yenidən "Tayqadan Britaniyaya qədər Qızıl ordu hamıdan güclüdür". Rumıniya sahillərində təlim keçən NATO hərbi gəmiləri ilə Sevastopolda Ukrayna donanmasının mühasirəsinə cəlb olunmuş yarıpaslı Rusiya kreyserlərini müqayisəsi Qızıl ordu haqda illüziyaları dağıda bilərdi, amma Rusiya mediasında belə görüntülər yoxdur. Əhali də elə ancaq Rusiya mediasını izləyir. Rəsmi Krım siyasətini əks etdirməyən informasiya vasitələri yavaş-yavaş yox olur. "Dojd" telekanalının ardınca "Lenta.ru" populyar internet saytının rəhbərliyi (oxu müstəqilliyi) dəyişdirildi, jurnalsitlərin çoxu istefa verdi. Martın 14-də "Exo Moskvı"nın səhmdarları radionun əfsanəvi redaktoru Aleksei Venediktovun taleyini həll edir. Bunların fonunda prezident Putinin populyarlığı artır. Amma, bu günlərdə bir qrup ziyalının bəyanatı göstərdi ki, vəziyyət elə də ümudsiz deyil. Putinin aqressiv siyasətini təqnid edən ziyalıların sayı cəmi 33 nəfər olsa da, bu adların hər biri milyonlarla adamın fikrinə bərabər ola bilərdi. Çünki onların hər birinin adı ancaq Rusiya və Sovet incəsənətinin tarixində deyil, bu mədəniyyətlə böyüyən sadə rusların qəlbində də yazılıb. Onların adlarını çəkmək əvəzinə fotolarını təqdim edirik. Əsl ziyalını üzdən tanıyarlar

AVROPARLAMENT KRIMDAN RUSİYA QOŞUNLARININ ÇIXARILMASINI TƏLƏB ETDİ

Avroparlamentin martın 13-də qəbul olunan qətnaməsində Rusiyadan öz qoşunlarını dərhal Krımdan çıxarılması tələb olunur. "Krım Ukraynanın tərkib hissəsidir" - deyə qətnamədə bildirlir və qeyd olunur ki, bu faktı beynəlxalq icitmaiyyətlə ilə birlikdə Rusiya da qəbul edib. Sənəddə deyilir ki, Ukrayna konsitusiyasına əsasən Krım ancaq yerli özünüidarə məsələləri ilə bağlı referendum səlahiyyətlərinə malikdir, ona görə də Rusiyanın tərkibinə daxil olmaqla bağlı hər hansı referendum Avroparlament tərəfindən qanunsuz hesab olunur. Rusiyanı danışıqlar masası arxasında dəvət edən Avroparlament aqressiyanın davame dəcəyi təqdirdə Rusiyaya qarşı - hərbi avadanlıq satışı embarqosu, viza məhdudiyyətləri, və maliyyə hesablarının dondurulması kimi sanksiyaların tətbiq olunacağını qeyd edir.