İŞİD qaldı bir qıraqda, Suriya ordusu silahlı müxalifətlə münasibətlərinə "ayıdnlıq gətirir"
İŞİD fenomeninin qəribəliyi ondadır ki, maraqlar ziddiyyətindən ibarət bir düyün yaranıb. Bir tərəfdən İslam yaraqlılarının ləğv edilməsində Suriya, ABŞ, İran və hətta Rusiya maraqlıdır (cihadçılar Rusiya prezidenti Putini də dəfələrlə terrorla hədəlyiblər). Digər tərəfdən isə İŞİDa mənfi münasibəti olan bu tərəflərin öz aralarında ziddiyətlər mövcuddur. "2 təhlükədən ən zəifi seçimini" hələ də edə bilməyən dünya gücləri İŞİDa ancaq havadan zərbələr vurmaqla kifayətlənirlər. Quruda isə islamçılar İraq ordusu, şiə və kürd könüllü dəstələtri ilə üzbəüzədirlər. Bu "koalisiyaya" Suriya Azadlıq ordusu və Bashar Assada sadiq Suriya ordusu qoşula bilərdilər, lakin onların öz aralarındakı qanlı haqq-hesabları hələ də davam edir.
#IS «Arif, işin yoxdur onunla. Dəymə ona». http://t.co/hhHqdBISJJ
— AzadliqRadiosu (@RadioAzadliq) 13.10.2014
Kobanidə küçə döyüşlərindən video
İnternetdə İslam Dövləti yaraqlıları ilə kürd qüvvələrinin Kobanidə (Ayn al-Arabia) küçə döyüşünü əks etdirən video yayılıb. İddia olunur ki, görüntülər oktyabrın 11-12-də şəhərdə gedən döyüş səhnələridir. Videoda şəhərin küçələrində kürd mövqelərinə hücum edən İŞİD yaraqlılarının görüntüləri. Diqqəti cəln edən cəhətlərdən biri yaraqlıların qara bayrağını daşıyan tankın sürətlə şəhər ətrafında hərəkət etməsidir.
Al-Jazeera xəbər verir ki, Anbar vilayətinin İraq ordusunun əlində olan sonuncu şəhəri - Hit ağır döyüşlərdən sonra İŞİD yaraqlılarının tan nəzarətinə keçib.
Bu haqda ətraflı tezliklə blqoda
ABŞ deyir Türkiyədən İncirlik razılığını alıb, Türkiyə təkzib edir
ABŞ-ın hava zərbələrinin köməyi ilə kürd döyüşçülər Kobani şəhərini qorumaqda davam edir.
İslam Dövləti yaraqlıları 4 həftəyə yaxındır ki, Kobaniyə hücum edir və son günlərdə şəhərin 4-də 3-nü tuta bilib. Ancaq oktyabrın 13-dəki döyüşlərdə heç bir tərəf üstünlük qazana bilmir. Döyüşlər hazırda Kobani şəhərinin şərq və cənub-şərq hissələrində gedir.
Oktyabrın 13-də şəhərin şimal hissəsində isə İD intiharçı hücum edib. Partlayıcı ilə dolu yük maşını kürdlərin müdafiə istehkamına çırpılıb. Tələfat barədə məlumat verilmir.
Türkiyə isə öz hərbi bazalarından Suriya və İraqda İD yaraqlılarına hava zərbələri üçün istifadəyə icazə verdi. Bunu ABŞ Milli Təhlükəsdizlik müşaviri Susan Rice bildirib. Ancaq bu bəyanatdan sonra Türkiyə elan etdi ki, İncirlik hərbi bazasından istifadə barədə ABŞ-la Türkiyə arasında razılıq hələ yoxdur.
Türkiyə öz bazalarında İD ilə vuruşmaq üçün Suriya yaraqllarına təlim keçilməsinə isə icazə verir.