-
Bu ilin birinci yarısında Azərbaycan Dövlət Neft Fonduna “Azəri-Çıraq-Günəşli" neftinin və "Şahdəniz" qazının satışından ümumilikdə 2 milyard 369 milyon dollar həcmində vəsait daxil olub.
Bu haqda Dövlət Neft Fondunun saytı xəbər verir.
Fondun məlumatına görə, bu məbləğin 2 milyard 305 milyon dolları mənfəət neftinin satışından daxil olub.
"Şahdəniz" yatağından mənfəət qazının satışından isə 6 ayda cəmi 64 milyon dollar daxil olub.
Fondun açıqlamasına görə, 2001-ci ildən 2016-cı il iyulun 1-dək ümumilikdə Neft Fonduna“Azəri-Çıraq-Günəşli"dən 119 milyard 314 milyon dollar daxil olub.
2007-ci ildən başlayaraq "Şahdəniz" yatağındakı qazın satışından isə 2 milyard 506 milyon dollar vəsait əldə edilib.
Dünyada 1 barel neftin qiyməti kəskin aşağı düşdüyündən Azərbaycanın neft gəlirlərindən əldə etdiyi gəlir də azalıb. Bu isə ölkə iqtisadiyyatına ciddi təsir göstərib.
