►Ortaqlığına son verilən şəxsin - Həsən Şərifovun adı Beynəlxalq Bankın çoxmilyonlu kredit qalmaqalında hallanır
Adı Azərbaycan Beynəlxalq Bankında çoxmilyonlu kredit qalmaqalında hallanan işadamı Həsən Şərifovla qurulan ortaqlığa «Paşa Holding» son qoyub.
Vergilər Nazirliyi «İKAR-SP» şirkətinin ləğvi barədə qərar verildiyini bildirib.
Ortaqlığın pozulma səbəbləri açıqlanmır
AzadlıqRadiosu 2012-ci il martın 9-da təməli qoyulan bu ortaqlığın pozulma səbəblərinə dair «Paşa Holding» MMC-yə sorğu göndərsə də, holdinq “zərurət görmədikləri üçün” sorğunu cavablandırmayıb.
«İKAR-SP» qurularkən tərəflər ona 312 min 500 manat sərmayə yatırıblar. Növbəti illərdə şirkət böyüyərək sərmayəsini 5 milyon 575 min manata çatdırıb. «İKAR-SP» MMC məlumat vermədiyi üçün onun fəaliyyət sahəsini öyrənmək mümkün olmayıb.
Cinayət işindən xəbər yoxdur
Ortaqlığına son verilən şəxs - Həsən Şərifov Azərbaycana xaricdən dərman gətirən və onun aptek şəbəkəsi vasitəsilə satışını təşkil edən «Riyad-Farm» şirkətinin prezidenti və sahibi kimi tanıdılır.
____________________________________________________________
Bunlara da bax:
____________________________________________________________
Ötən ilin yayında ABB-yə kredit borcunu ödəməkdən yayınması faktı üzrə Həsən Şərifova cinayət işi açılmış və o həbs edilmişdi. Söhbət 24 milyon dollar borcdan gedir. Ötən ilin sentyabrından bəri həmin cinayət işinin gedişindən xəbər yoxdur.
«Paşa Holding» aktivlərinin həcminə görə Azərbaycanın ən iri maliyyə-sənaye qrupudur. 2015-ci ildə holdinq öz aktivlərinin 3 milyard manat olduğunu bildirib.
Buna da bax: "Xalqı ayağa qaldırmaq lazım deyil"
![Azərbaycanın 4 böyük şirkətini bağlayan "gizli tellər"- [Araşdırma]](https://d2vgbzladnsunc.cloudfront.net/e52bbd29-3abb-454f-8814-50c4372ed078_cx6_cy18_cw82_w100_r1.jpg)
![Azərbaycanın 4 böyük şirkətini bağlayan "gizli tellər"- [Araşdırma]](https://d2vgbzladnsunc.cloudfront.net/e52bbd29-3abb-454f-8814-50c4372ed078_cx6_cy18_cw82_w33_r1.jpg)
