Azərbaycanda yeni kanal
Azərbaycanda yeni televizya kanalı yaradıldı, idman kanalı - CBC Sport. Yeni kanala 6 illik lisenziya verildi.
"İlham Əliyev anti-Qərb ritorikasını davam etdirir"
Politoloq Azər Rəşidoğlunun fikrincə, İlham Əliyevin sentyabrın 8-dəki çıxışı onun anti-qərb ritorikasının davamıdır. Bu çıxış qarşıdan gələn parlament seçkiləri ilə də bağlıdır. Prezidentin çıxışından görünür ki, Qərbin siyasi islahatlar, siyasi və vicdan məhbuslarının azad olunması çağırışlarına İlham Əliyevin əməl etmək fikri yoxdur. Bu çıxışla o, Rusiyaya meyilləndiyini nümayiş etdirir, ancaq politoloqun fikrincə, bu, yalnız nümayiş etdirməkdir, Azərbaycanın Rusiya tərəfə keçmək fikri də yoxdur, çünki elitanın bütün iqtisadi maraqları Qərblə bağlıdır. Azər Rəşidoğlunun fikrincə, Azərbaycana ən böyük təhlükə Rusiyadan gəlir, ancaq ümumiyyətlə götürəndə, Azərbaycana təhlükə xaricdən çox, daxildən gəlir.
Avropalı fermerlər Brüsseldə aksiya keçirdi
Fermerlər hökumətlərdən kənd təsərrüfatına yardım ayrılmasını tələb edirlər. Rusiyaya qarşı sanksiyalar fermerlərə ciddi ziyan vurur
Prezident qənaətdən danışır
İlham Əliyev: "Gələn ilin büdcəsi real vəziyyəti nəzərə almalıdır. Gələn ilin büdcəsi daha çox sosial yönümlü büdcə olmalıdır. Əlbəttə, ən böyük prioritet təşkil edən investisiya layihələri də icra edilməlidir.
Ancaq prioritet olmayan, o qədər də vacib xarakter daşımayan layihələri büdcə, investisiya proqramlarına salmamalıyıq. İsrafçılığa yol verilməməli, maliyyə nizam-intizamı daha da gücləndirilməlidir. Çalışmalıyıq ki, vəsaitə qənaət edək."