Avropa Parlamentindən Azərbaycana qarşı sərt qətnamə
Avropa Parlamenti Azərbaycanla bağlı çox sərt qətnamə qəbul edib. Qətnamədə deyilir ki, "bütün siyasi məhbuslar azad olunsun", "vətəndaş cəmiyyətinə qarşı repressiyalar kəskin şəkildə pislənilir" və s. Hətta deyilir ki, Avropa Birliyi rəhbərləri Xədicə İsmayılın İlham Əliyev və onun ailəsi haqda araşdırmasında üzə çıxarılan korrupsiyanı araşdırsınlar.
AzadlıqTV: Putin vaxtında gəlsə, Papa ilə görüşə bilər
Rusiya Suriyada hərbi iştirakını getdikcə artırır. Putin həmişə görüşlərə gecikir
Gələn ilin büdcəsi bəs edəcəkmi?
Bu ilin büdcəsində neftin qiyməti 90 dollardan götürülmüşdü, indi neftin qiyməti 50 dollar ətrafında rəqs edir və qalxmaq fikri yoxdur. Gələn ilin büdcəsində neft indiki 45-50 dollardan götürülsə, büdcə nə qədər azalacaq? Bu, lazımi xərclərə bəs edəcəkmi? İqtisadçı Samir Əliyev deyir ki, əvvəlki illərdən fərqli olaraq bu il büdcənin əsas parametrləri hələ də elan olunmayıb. Qaldı ki, neftin qiymətinə, Mərkəzi Bank sədri Elman Rüstəmov bir az əvvəl büdcənin əsasına qoyulacaq neft qiymətini 50 dollar təklif etmişdi. Bu, büdcənin gəlir hissəsini nə qədər azaldacaq? Samir Əliyev deyir ki, ehtimal etmək olar ki, büdcənin gəlir hissəsi 14-16 milyard civarında olacaq. Xərclər bundan 2 milyard çox ola bilər. Bu, sosial xərclərə bəs edəcək. İxtisarlar investisiya xərclərinə aid olacaq. Bəs bu, yeni iş yerlərinin yaradılmamasına, gələcəkdə işsizliyin artmasına gətirməyəcəkmi? Samir Əliyev deyir ki, bu təhlükə var, ona görə, institusional islahatlar vacibdir. Hansı islahatlar? - Ətraflı burada dinlə
Milli Şura seçkidə iştirakdan imtina etdi
“Milli Şura parlament “seçkiləri”ni legitimləşdirmək üçün vasitə olmaqdan və seçki imitasiyasında iştirakdan imtina edir”. Bu, Milli Şuranın 1 noyabr 2015-ci ildə keçiriləcək parlament seçkiləri ilə bağlı qərarında deyilir. Qərar bu gün sentyabrın 10-da qəbul olunub.