“Nə müxalifətə keçmişəm, nə də sığınacaq istəmişəm”
Bunu APA-ya açıqlamasında Azərbaycanın Avstraliyadakı səfirliyinin keçmiş III katibi Fərid Sübhanverdiyev deyib. Onu bu il iyunun 18-də işdən çıxartdılar.
O, mediada haqqında dolaşan müxtəlif əsassız və ziddiyyətli yazıların yayılmasından ciddi narahat olduğunu deyib: “Hazırda Avstraliya Milli Universitetində Diplomatiya üzrə magistr təhsili alıram. 2 illik təhsilimi başa vurduqdan sonra bilik və bacarığımı dövlətimizin milli maraqlarının qorunması istiqamətində sərf etməyi planlaşdırıram”.
ABŞ təkrar edir ki, Dağlıq Qarabağı müstəqil dövlət kimi tanımır, burdakı seçkiləri də tanımır
ABŞ Dövlət Departamentinin sözçüsü John Kirby sentybarın 10-da brifinqdə deyib: "Biz Dağlıq Qarabağın gələcəyinin müəyyən olunmasında Qarabağ əhalisinin rolunu tanıyırıq. Bununla belə, ABŞ Dalıq Qarabağı müstəqil dövlət kimi tanımır. Biz regionun gələcək statusunun müəyyən olunmasına təsiri baxımından sentyabrın 13-dəki seçkilərin nəticələrini də tanımırıq"
Əli Hüseynli: “Bu dəfəki qətnamə daha qərəzlidir və bəzən təhqiramizdir"
“Avropa Parlamentinin dünənki qətnaməsi hələ ilk Avropa Oyunları ərəfəsində Qərbin Azərbaycana qarşı apardığı qərəzli siyasətin davamıdır və biz bunu öncədən proqnozlaşdırmışdıq. Sadəcə, budəfəki qətnamə Azərbaycan dövləti və Azərbaycan hakimiyyəti haqqında daha qərəzli, bəzən isə təhqiramiz ifadələrlə müşayiət olunur. Onlar əmin ola bilərlər ki, həm milli səviyyədə, həm də Avropadakı tədbirlərdə onların adekvat cavabı veriləcək”.
Bunu APA-ya açıqlamasında Azərbaycan Milli Məclisinin Hüquq siyasəti və dövlət quruculuğu komitəsinin sədri Əli Hüseynli bildirib.
Əli Həsənov: "Avropa parlamenti oyuncağa çevrilib"
«Avropa Parlamenti artıq reallıq hissini itirib və Qərbin müxtəlif dairələrinin əlində oyuncağa çevrilib».
Azərbaycan prezidentinin ictimai-siyasi məsələlər üzrə köməkçisi Əli Həsənov Avropa Parlamentinin Azərbaycanla bağlı qəbul etdiyiqətnamə barədə AZƏRTAC-a açıqlamasında belə deyir.