Növbədənkənar əmr

İyunun 28-də prezident İlham Əliyev Milli Məclisin buraxılması və növbədənkənar parlament seçkilərinin keçirilməsi barədə sərəncam imzalayıb. Seçki sentyabrın 1-nə təyin edilib. Hakim Yeni Azərbaycan Partiyası (YAP) seçkilərin önə çəkilməsini Bakıda keçiriləcək COP29-la bağlayaraq bunu konstitusiyaya uyğun adlandırsa da, bir çox müxalifət partiyaları buna qarşı çıxırlar. Onlar seçkilərin tarixinin önə çəkilməsinə ehtiyac olmadığını, bunun tez-tələsik seçkiləri saxtalaşdırmaq niyyətinə xidmət etdiyini açıqlayıblar.