Vilnüs sammitinin ilk sənədi imzalandı (Dəqiqəbədəqiqə)

Azərbaycanlıların Avropa ölkələrinə səfərləri üçün vizaların sadələşdirilməsi razılaşdırıldı

Noyabrın 29-da Vilnüsdə Azərbaycanla Avropa Birliyi arasında vizaların sadələşdirilməsinə dair razılaşma imzalanıb.

Amma Avropa Birliyi rəsmiləri Ukraynanı Assosiasiya Razılaşması və Azad Ticarət Anlaşmasını imzalamağa razılaşdıra bilməyiblər.

Sammitdə Gürcüstan və Moldova ilə də assosiasiya və azad ticarət razılaşmasının imzalanmasına dair sənədlər üzərində iş tamamlanıb. Hər iki ölkə yaxın gələcəkdə bu sənədləri imzalayacaqlar.

Štefan Füle - Avropa Birliyinin genişlənmə üzrə komissarı: Biz Belorusun Vilnüs sammitində elan etdiyi viza sadələşdirilməsinə dair danışıqlara başlaması barədə qərarını alqışlayırıq.

Avropa Birliyi Ukraynada ictimai dəstəyin çox böyük olduğunu vurğulayır

Vilnüsdəki müxbirimiz Rikard Jozwiak-dan:
“Ukrayna hökumətinin assosiasiya və azad ticarət razılaşmalarının imzalanması prosesini təxirə salmasına toxunan Vilnüs sammiti iştirakçıları həm də qeyd edirlər ki, bu ölkədə ictimai rəydə həmin sənədələrə çox böyük ictimai dəstək var. Avropa Birliyi ilə Ukrayna eyni zamanda ədliyyə, seçki, məhkəmə sistemlərində Avropa Standartlarına uyğunlaşma istiqamətində islahatlar aparılmasına dair razılaşmalara sadiq qaldıqlarını bildirirlər.”