Donetsk meri xəbərdarlıq yayıb ki, şəhərin mərkəzində, vilayət daxili işlər idarəsinin binası qarşısında atışma gedir. Öz vebsaytında şəhər meri Aleksander Lukyanchenko yazır ki, bina qarşısındakı maşınlar atəşə tutulub, yaralanan var. Şəhər meri əhalidən diqqətli olmağı, hadisə yerinə yaxınlaşmamağı xahiş edir.
RUSİYA İLƏ SƏRHƏDDƏ ŞİDDƏTLİ DÖYÜŞLƏR
AzadlqıRadiosu Ukrayna xidməti xəbər verir ki, Rusiya ilə sərhəddəki İzavrino və Çernopartizansk keçid məntəqələrində separatçılarla Ukrayna sərhəddini mühafizə edən Ukrayna təhlükəsizlik qüvvələri arasında ağır döyüşlər gedir. Xəbəbrə əsasən səhər saat 9 radələrində başlayan qarşıdurmada ağır silahlardan istifadə olunur.
#Ukrayna ATƏT PA Ukraynadakı vəziyyəti müzakirə edir http://t.co/OpsEQa3gXH
— AzadliqRadiosu (@RadioAzadliq) 1.7.2014
-
UKRAYNA İLƏ BAĞLI BAKI QRUPU YARADILIB
ATƏT Parlament Assembleyasının (PA) Bakıda keçirilən 23-cü yay sessiyası çərçivəsində baş tutan plenar iclasında Ukraynadakı böhranın həlli ilə bağlı Bakı Qrupu yaradılıb.
Bunu iclasda çıxış edən ATƏT PA prezidenti Ranko Kirovkapiç bildirib.
O deyib ki, Ukrayna ilə bağlı proseslər apreldən başlayıb və apreldə Vyanada Ukrayna və Rusiya parlamentarilərinin iştirakı ilə birgə müzakirələr aparılıb:
«Orada yaradılan ATƏT PA Vyana Qrupu bu günədək müəyyən müsbət irəliləyişlərə də nail olub. Amma daha irəli getmək üçün biz Bakıda keçirilən bu toplantıda Ukrayna böhranının aradan qaldırılması üçün Bakı Qrupu yaratdıq. Bu qrupa Vyana Qrupundan fərqli olaraq bura digər ölkələr də daxil ediləcək. Qrup böhranın aradan qaldırılması, sülh danışıqlarının bərpası üçün lazımı işləri görəcək».
ATƏT PA prezidenti vaxtında Ukraynadakı hadisələrə reaksiya verib fəlakətin qarşısını almaq lazımdır.