RUSİYA İNKAR EDİR, ƏSGƏR ANALARI NARAHATDIR
Rusiya rəhbərliyi inadla öz qoşunlarının Ukraynadakı silahlı münaqişəyə qarışmadığını bəyan edir. Luqansk vilayətində əsir alınan Rsuiya desantçılarının isə oraya təsadüfən düşdüklərini iddia edirlər. Gündəlik olaraq mediada yayılan və Rusiya hərbçilərinin Ukraynada döyüşdüynü sübut edən görüntülər fonunda Moskvanın bəyanatları inandırıcı səslənmir. Eskpertlər Moskvanın mövqeyini Əfqansltan müdaxiləsində Sovet rəhbərliyinin siyasətinə bənzədirlər. O zaman Əfqansıtanda həlak olan əsgərlərin məhz həmin ölkədə həlak olduğunu açıqlamaq qadağan idi. Eynilə Ukraynadakı Rusiya əsgərlərinin meyitləri ilə davranırlar. Şərhçilər bir neçə ay geriyə qayıdaraq Krımın işğalında Rusiya qoşunlarının iştirakı haqda xəbərləri təkzib edən Putinin bəyanatlarını xatırladırlar. O zaman Putin deyirdi ki, Krımdakı silahlı adamlar Rsuiya hərbçiləri deyil, paltarlarını "Hərbi dükanlardan" alan şəxlərdir. Sonradan isə, bir sıra Rusiya hərbi birləşmələrinin zabitləri Krım əməliyyatına görə təltif olundular.
#Donetsk-in 26 Bakı komissarları küçəsi/ #ukraine #ukrayna http://t.co/D5PEKiVsQ3
— AzadliqRadiosu (@RadioAzadliq) 29.8.2014
Vostok batalyonunun komandiri Krıma qədər Ukrayna ərazilərinin ələ keçirilməsi perspektivindən danışır
Vaxtilə Ukrayna təhlükəsizlik xidmətinin zabiti olan Aleksander Khodokovsky Donetskdə separatçı hərəkat başlayanda Rusiyameylli qüvvələrin tərəfinə keçdi. Bir müddət Donetsk separatçılarının qurduğu hökumətdə "təhlükəsizlik naziri" oldu. Onun təşkil etdiyi "Vostok" batalyonu Ukrayna ordusuna qarşı döyüşən əsas qüvvələrdən biridir. Donbassda səfərdə olan AzadliqRadiosunun müxbiri Andrey Babitskiy ilə söhbətində Khodokovsky deyir ki, Novoazovsk şəhərinin alınması Xerson və Zaporojyeyə qədər Ukrayna ərazilərinin ələ keçirilməsi perpektivini açır. Khodokovsky Rusiyanın Ukryanda böyük maraqlarının olduğunu və buna görə də ən müxtəlif səviyyələrdə separatçılara Rusiyadan yardım olduğunu bildirir.
Ukrayna hərbçiləri İlovaysk şəhəri yaxınlığındakı mühasirədən çıxmağa başlayıblar.
Bundan əvvəl Rusiya prezidenti Vladimir Putin separatçıları mühasirəyə düşmüş Ukrayna qoşunları üçün «humanitar dəhliz» yaratmağa çağırmışdı.